2022 жылы 21-сәуірде №2 Новоишим орта мектебінің 8 «А» сынып оқушыларымен «Ұлы ұстаз-Ахмет Байтұрсынұлы» тақырыбында тәрбие сағаты өтті.
«Ұлы ұстаз-Ахмет Байтұрсынұлы» тақырыбында тәрбие сағатын қазақ тілі мен әдебиеті пәні мұғалімі: Калиева Жанар Кенжебайқызы бастап берді. Жанар Кенжебайқызы: «Биыл, яғни 2022 жылы Ахмет Байтұрсынұлының 150 жылдығы ЮНЕСКО-ның атаулы күндер күнтізбесіне енгізілді. Ахмет Байтұрсынұлы (1872-1937)-қазақ ақыны, мемлекет қайраткері, әдебиет зерттеуші ғалым, ұстаз, аудармашы, ағартушы, публицист, ұлттық жазудың реформаторы, қазақ лингвистикасы мен әдебиеттанудың негізін қалаушы, Алаш-Орда өкіметінің мүшесі, шығармашылық жұмысын өлең жазудан бастаған. Онда ол еңбекші халықтың ауыр халін, арман-тілегін, мұң-мұқтажын көрсетіп, жұртшылықты оқуға, білім-ғылымға, рухани биіктікке, адамгершілікке, мәдениетті көтеруге, еңбек етуге шақырады»,-деп айтылды.
Одан кейін Шоқан Уәлиханов атындағы КУ жанындағы көпсалалы колледжінің 3-курс студенті, Касенова Индира Амангелдіқызы: «Ахмет Байтұрсынұлының өмірі мен өмір жолына» тоқталып кетті.
Оның айтуы бойынша: «Ақымет Байтұрсынұлы 5-қыркүйек 1872 жыл, қазіргі Қостанай облысы, Жангелді ауданы, Ақкөл ауылында туған. Ахмет Байтұрсынұлы-қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері және бейнебаян бойынша «Ұстаздық жолына саяхат» жасады.
Оқушылар өз таңдаулары бойынша Ахмет Байтұрсынұлының өз өлеңдерің мәнерлеп оқыды.
Мектеп кітапханашысы: Шериязданова Алмагүл Амангелдіқызы тәрбие сағатын қорытындылады. Керемет, тың деректерді мысалға келтіреді. Алмагүл Амангелдіқызы: «Қазақстанда «Бір ел-бір кітап» республикалық акциясы ҚР Мәдениет министрлігінің қолдауымен ҚР Ұлттық академиялық кітапханасы мен ҚР Кітапханашылар Ассоциациясы бастамасымен 2007 жылдан бастап өткізілуде. Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған, қазақ халқының 20 ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы, Алаш-Орда өкіметінің мүшесі.
Ахмет Байтұрсынұлының еңбектері кітапхана оқырмандары арасында кеңінен насихатталады.
Ақын мұрасы әлемдік мәдениеттің бір бөлігіне жатады және ол бүкіл адамзатқа қол жетімді болуға міндетті»,-деп аяқтады.
